အိမ်....................

အဝေးကို ကြည့်တယ် 

ခပ်လှမ်းလှမ်းကို ကြည့်တယ်

မျက်စိ တစ်ဆုံးပါပဲ

အသိုက်ဝန်းလေးတွေ

မိသားစုလေးတွေ

သာယာတဲ့ အိုးအိမ်လေးတွေ ။           ။

အိပ်ကပ်ကို ငုံ့ကြည့်မိတယ်

ရင်ဘတ်ထဲမှာ စူးနစ်နေတယ်

နှလုံးသားက မေးတယ်

သူ့ အိမ် ဘယ်မှာလဲတဲ့  ။             ။

 ဦးနှောက်တွေ ခြောက်ခြားနေတယ်

ရှက်စိတ်တွေ ဖုံးလွှမ်းနေတယ်

ဒေါသတွေ မြိုသိပ်ထားရတယ်

ထိန်းချုပ်နေရတယ် 

ဖျက်ဆီးနေရတယ် ။           ။

 အဝေးကို  ပြန်ကြည့်မိတယ်

နှုတ်ခပ်ကို ပြုံးမိတယ် 

မျက်ဝန်းက မျက်ရည် တစ်စ ငါ ရခဲ့တယ် ။                 ။

မွန်းကြပ်တဲ့ စိတ်တွေ

လေလွင့်တဲ့ ခြေရာတွေနဲ့

မြို့ပြရဲ့ အသက်ရှုသံတွေ ကြားမှာ

အိမ် ဆိုတဲ့ အရာကို ဖမ်းဆုပ်နိုင်ဖို့ ကြိုးစားရင်း

 ကြိုးစားရင်းနဲ့ ........... ငါ ............... ငါ ..............။              ။

ခပ်ဝေးဝေးကို ငါ လှမ်းကြည့်နေမိတယ်။             ။

Rocker77

( 8.1.2013 )

01:02 ( PM )

လက်ဝါးစောင်း

လောက .........

သင်သည် မည်ကဲ့သို့ နည်း

ငါသည် အဘယ်သို့ နည်း

သင် နှင့် ငါ

ငါ နှင့် သင်

မည်သူက မည်ကဲ့သို့ အဘယ်သို့နည်း ။ 

ရှေးခေတ်က ပြောကြတယ်

ဆီသည် က ဆီသည်

ဆင်ထိန်း က ဆင်ထိန်း တဲ့

အခုကော ဘယ်လို ပြောကြမလဲ

ဘာကို ပြောကြမလဲ ။

လက်ဖမိုးပေါ်က အရာတစ်ခု

လက်ဖ၀ါး ဘက် အကြောင်းတရားတစ်ခု

သေချာစွာ ဆန်းစစ်ကြည့်မိတော့

လက်ဝါးတစ်ခုကို တွေ့ရတယ်

လက်ဝါးစောင်းတစ်ခုကို မြင်ရတယ် ။

ဒီတော့ ........

အသင်လောက

သင် ပဲ မှားလား

ငါ ပဲ မမှန်တာလား

ငါသည်လည်း မတွေးချင်တော့ ။

လက်ဝါးစောင်းအတိုင်းပဲ

ခရီးဆက်ကြရုံပဲပေါ့ ။

13 . 10 . 2011

23း0 AM

Rocker77

http://rocker77blog.blogspot.com

ရန်ကုန်ည။

** ပူပြင်းအိုက်လှေင် တိုက်ခန်းထဲက
ငါ့ရဲ့ကိုယ်က ချွေးစို့စို့နဲ့
တွန့်ခေါက်ကြေမွ အိပ်ရာထက်က
လူးလိမ့်ကာထ ငါ ကြည့်လိုက်တော့
လေပြေတွေက လှောင်ပြုံး ပြုံးပြီး
နှုတ်ဆက်ဖို့တောင် ဝေးလေစွ။ ။

** မျက်စိရှိတိုင်း ၀ဲလှဲ့ငါကြည့်
ကောင်းကင်ယံက ကြယ်စင်တွေက
မီးပွိုင့်မိသလို ငြိမ်သက်နေကြ။ ။

** မီးကုန်အောင်ဖွင့် အသံကုန်ဟစ်တဲ့
စက်တပ်ယာဉ်က ငါ့ ရဲ့ နားကို
ဒဏ်ရာရအောင် ပြေးကာဆော့ကစား
နေကြကုန်သည်။ ။

** သုံးယောက်ဝန်အား ငွေနည်းရဖို့
မနိုင်တနိုင် နင်းတဲ့ ဆိုက်ကား
အိပဲ့ပဲ့နှင့် ရွေ့ရွေ့စီးတော့
ငါ့မျက်လုံးတွေ ရူးသွပ်ခဲ့ပြီ။ ။

** လင်းရောင်ဖျော့ဖျော့ ထွန်းညှိထားတဲ့
လင်းဆိုင်ဆီက ကျိုးတို့ကျဲတဲ့
လူခြောက်ယောက်က အာဗြဲသံနဲ့
ရယ်မောခြင်းက တိတ်ဆိတ်ခြင်းည
ပိုမှောင်စေခဲ့။ ။

** ပျင်းပျင်းရှိတော့ ငါ့ အနားရှိတဲ့
ပိုးစိမ်းကောင်က ဆွဲဆွဲအူတဲ့
ခွေးလေလွင့်ကြောင့် လန့်ကာထပြေး
ငါ့ ကျော ဆီသို့။ ။

** ရုတ်တရက်မို့ ငါ့ အတွေးထဲကို
နွေးထွေးစွာနဲ့ ရင်ထဲထိအောင်
မှီခိုထားမယ့် မင်းချစ်ခြင်းလည်း
ဝေကွာတာမို့ လစ်ဟာနေတဲ့
ငါ့ ရဲ့ ရင်ကို အထီးကျန်ခြင်းတွေ
ခိုင်မြဲစေခဲ့။ ။

** သြော် - ဒါဟာ
ရန်ကုန်ညရဲ့ ပူပြင်းခြင်းအလား
နောက်ဆုံးမှာတော့ ငါဟာ မှေးစက်
အိပ်စက်နေတက်ခဲ့ပြီလေ။ ။

 

rocker77 
http://rocker77blog.blogspot.com 

ဒီည.................

*** ဒီည

      ငါ ပြန်စဉ်းစားကြည့်တယ်

      ငါ လျှောက်ခဲ့တဲ့ လမ်းတွေကို

      ငါ ကမ်းခဲ့တဲ့လက်တွေကို

       ငါ ပေးခဲ့တဲ့ နှလုံးသားကို

*** ဒီည

      ငါ ပြန်စဉ်းစားကြည့်တယ်

      ငါ ရောက်နေတဲ့ ဒေသကို

      ငါ လုပ်နေတဲ့ အလုပ်ကို

      ငါ ပြောနေတဲ့ စကားကို

*** ဒီည

      ငါ ပြန်စဉ်းစားကြည့်တယ်

      ငါ ပေးခဲ့တဲ့ အဖြူရောင်တွေကို

      ငါ တွေးခဲ့တဲ့ သာယာခြင်းတွေကို

      ငါ ပေးခဲ့တဲ့ နွေးထွေးမှုတွေကို

*** ဒီည

     ငါ ပြန်စဉ်းစားကြည့်တယ်

     ငါ သွားရမယ့် လမ်းကို

      ငါ နင်း ရမယ့်မြေကို

     ငါ ခိုလှုံရမယ့် ရင်ခွင်ကို

*** ဒီည

      ငါ ပြန်စဉ်းစားကြည့်တယ်

      ငါ ချစ်ခဲ့တဲ့ ငါ့ အချစ်တွေကို

      ငါ လွမ်းနေတဲ့ ငါ့ အလွမ်းတွေကို

      ငါ လိုက်ဖမ်းနေတဲ့ မင်း ပုံရိပ်တွေကို

*** ဒီည

     ကောင်းကင်မှာ တိမ်မည်းတွေနဲ့

     လျှပ်ပန်းတွေ လင်းလက်နေတယ်

     ကြယ်တွေက ပုန်းခိုနေတယ်

     အိမ် အပြင်မှာ မိုးတွေ ရွာနေတယ်

     ရင်ထဲမှာ ငါ ငိုနေတယ်။          ။

Rocker77

18.5.2011

( 00:00 AM )

http://rocker77blog.blogspot.com 

ကဗျာကို ဘောင်ခတ်ခြင်း။

အို - လူသားတို့

ကျောက်ကြမ်း ခေတ်မှာ မွေးဖွား

ကျောက်လည် ခေတ်ကို ဖြတ်သန်း

ကျောက်ချော ခေတ်ကို ရောက်ရှိ

လူမျိုးစုတွေ ပေါင်းစည်း

မြို့ပြတွေကို တည်ဆောက်

စာပေကတော့ မရောက် ။           ။

အို - လူသားတို့

ယဉ်ကျေးမှုကို နယ်ချဲ့

ထုံးတမ်းတွေကို တီထွင်

ဓလေ့ဟောင်းကို ပြုပြင်

နည်းပညာကို မွေးဖွား

လုပ်အားတွေကို ကျွန်ထား

စာပေတွေကို မွေးဖွား ။             ။

အို - လူသားတို့

ဝါဒများကို ပေါင်းစည်း

ပြည်ထောင်တွေကို ချဲ့ထွင်

ဒင်္ဂါတွေကို သွန်းကျို

ပညာရှင်တွေ တွေးခေါ်

သားရေပေါ်မှာကို သမိုင်းတင်

အလင်္ကာကို စတင် ။              ။

အို - လူသားတို့

တွေးခေါ်မှုကို မြှင့်တင်

စာပေတွေကို ပြုပြင်

ကဗျာဆရာ တိုးပွား

သူရဲကောင်းတွေ အလား

စည်းကမ်းချက်တွေ များပြား

ရတု တွေကို ရေးသား ။            ။

အို - လူသားတို့

သမိုင်းတွေက ဟောင်းနွမ်း

ခေတ်သစ်တွေဆီ လှမ်းသွား

ကျန်နေခဲ့တော့ အတိတ်

ရောက်နေခဲ့တော့ လက်တွေ့

လှမ်းမျှော်ကြည့်တော့ အိုင်တီခေတ်

စာပေတွေက တစ်အိတ် ။            ။

အို - လူသားတို့

လေးချိုးကိုပဲ စပ်မလား

ရတု လို့ပဲ ပြောမလား

နဘေကာရံ သုံးမလား

ပို့စ် မော်ဒန်ကို သွားမလား

ဆိုက်ကိုတွေကို ရေးမလား

အားလုံးစုံတဲ့ ခေတ် ။             ။

အို - လူသားတို့

ကဗျာတွေက များပြား

ဘာတွေကို ရွယ်ရည်ထား

လမ်းဟောင်းကိုပဲ လိုက်မှာလား

ပညက်ချက်တွေ ထားမှာလား

ပခုံးပေါ်ကို တင်မှာလား

သူများ ပြောတိုင်း လုပ်မှာလား။             ။

Rocker77

24.5.11

2း40 AM

မာလိန်မှူး ။

ပင်လယ်ပြင်ည

ရွှက်လွှင့်တဲ့ သင်္ဘော

ရိက္ခာနဲ့ လူနည်း

ဒါ ငါ့ သင်္ဘော ။     ။

ပိန်းပိတ်တဲ့အမှောင်

စုံလင်တဲ့ နက္ခတ်

လင်းနေတဲ့ မှန်အိမ်

စီးမျောတဲ့ သင်္ဘော

ဒါ ငါ့ သင်္ဘော ။     ။

ဓါးကောက်ကို ခါးချိတ်

ရွက်တိုင်ကိုလှမ်းကြည့်

ပဲ့ထိန်းကို လှမ်းအော်

အိမ်မြှောင်ကို လှမ်းခေါ်

သွားနေတဲ့ သင်္ဘော

ဒါ ငါ့ သင်္ဘော ။     ။

မြေပုံကို ဖြန့်ခင်း

ကျွန်းတွေက အလှမ်းဝေး

တွဲလက်ကို လှမ်းဆွေး

ရဲတိုက် ကို မရောက်သေး

ရေစီးကြောင်းက ကယ်ပေး

မျော်နေတဲ့ သင်္ဘော

ဒါ ငါ့ သင်္ဘော ။     ။

ရောက်နေတာ ရေအရပ်

တွေးနေတာ ကုန်း အရပ်

ကြယ်ကြွေတာရင်ထဲ

ဆုတောင်းတာ အခါခါမနည်း

အာရုဏ်ကို မြင်ချင်လို့

လေနတ်သားကို လှမ်းအော်

လွမ်းနေတဲ့ သင်္ဘော

ဒါ ငါ့ သင်္ဘော ။      ။

Rocker77

( 2 . 6. 2011 ) 

4း00 AM