အခန်း( 21 )
ခံတပ်ဖြူ တိုက်ပွဲ နေရာ ။
ဟန်သော်ဝေနိုင်ငံ၏ စစ်ဦးစီး ဆာဂျန်းသည် နောက်လိုက်နောက်ပါ ရဲမက် စစ်သည်များအားလုံး သည် ခံတပ်ဖြူအတွင်းသို့ ၀င်ရောက် ရောက်ရှိကြပြီးနောက် လောင်ကျွမ်းနေ သော မီးများကို ၀ိုင်းဝန်းငြှိမ်းသတ်ကြလေရာ မီးတောက်များအားလုံး ငြိမ်းအေးသွားလေသည်။ ခံတပ်ဖြူတွင်း ၌ ရှိသမျှ အင်အားဖြင့် တောင့်ခံထားနိုင်ခဲ့သော ခံတပ် မှူး ကိုလည်း ခေါ်ယူ တွေ့ ဆုံကာ အရှေ့ဘက်စစ်မျက်နှာပြင် အခြေနေကို စုံစမ်းမေးမြန်းလေသည်။
ထို့နောက် စစ်ဦးစီး ဆာဂျန်းသည် နောက်ထပ် တိုက်ပွဲအတွက် ဗျူဟာများကို ပြင်ဆင်ရေးဆွဲ လေတော့သည်။ ဆာဂျန်းသည် ခံတပ်တွင်းရှိ ရိက္ခာများကို ခံတပ်အနောက်ပိုင်းသို့ ပြောင်းရွေ့ ထားရှိစေလေသည်။ အကြောင်းမှာ ရန်သူ့ထံမှ နောက်ထပ် မီးကောက်ရိုးလုံးများဖြင့် တိုက်ခိုက်ခံရပါက ရိက္ခာများ မီးလောင်ပျက်စီးခြင်းမှ ကင်းလွတ်စေရန် မီး မကျရောက်နိုင်သော နေရာများသို့ ကြိုတင် ပြောင်းရွေ့ထားခြင်း ဖြစ်လေသည်။ ထို့နောက် အရှေ့ ဘက် ခံတပ်တံတိုင်း အား ကာကွယ်နိုင်စေရန် လေးတပ် ၊ ဒိုင်း နှင့် ဓါး ကိုင် ခြေလျင်တပ်များကိုလည်း တံတိုင်းပေါ်သို့ ထပ်မံအားဖြည့် စေလေသည်။ ထို့နောက်တွင်တော့ မြင်းတပ်ကို နှစ်ပိုင်းခွဲကာ ခြေလျင် လှံတပ် ၊ ဒိုင်း နှင့် ဓါးကိုင် တပ် များနှင့် ပေါင်းစည်းကာ ခံတပ်ဖြူ အနောက်ပိုင်းမှ ထွက်ခွာစေပြီး တောအုပ် အတွင်း ၌ တပ်နှစ်ဖြာ ဆင်းစေကာ အရှေ့ ဘက်စစ်မျက်နှာပြင်အနီး တပ်စွဲ ထားရှိလေသည်။ ထိုသို့ ပြုလုပ်ခြင်းမှာလည်း အရှေ့ဘက် စစ်မျက်နှာပြင်ကို အာရုံစိုက် နေစဉ် အနောက်ဘက်ပိုင်းသို့ တော အုပ် အတွင်းမှ ရန်သူများ ချီတက်မလာစေရန် နှင့် အရှေ့ဘက်စစ်မျက်နှာပြင်ကို အထောက်ကူ ပြု စေရန် စီစဉ်ထားခြင်း ဖြစ်လေသည်။
ထို့အပြင် ခံတပ်တွင်း၌လည်း စက်ဝိုင်းပုံစံ မြောင်းငယ် သုံးထပ်ကို တူးစေကာ ထို မြောင်း ငယ် ထဲများတွင် ကောက်ရိုးများကို သစ်စေးများဖြင့် ရောနယ်စပ်စေပြီး ထားရှိလေသည်။ ထို့နောက် အပေါ်မှ ထပ်ကာ ဆီများ ကို ထပ်မံလောင်းချ ထားရှိစေသည်။ ကျန်ရှိသော ဆီ အိုးများ ကို အရှေ့ဘက် ခံတပ် တံတိုင်းပေါ်သို့ တင်ထားစေလေသည်။ ဆာဂျန်းသည် အရှေ့ဘက် တံတိုင်းပေါ် ၌ စစ်ကို ကိုယ်တိုင်ကွပ်ကဲ ဦးစီးပြီး တောအုပ်တွင်းသို့ ထွက်ခွာသွားသော မြင်းတပ် နှင့် ခြေလျင်တပ် များ ပေါင်းစည်းထားသော တပ်နှစ်သွယ်တွင် အနောက်ဘက် တိုက်ပွဲတွင် စွမ်းရည်ပြသခဲ့သော တပ် မှူး ငယ် ခွန်ဒီနောင် နှင့် အရှေ့ဘက် တိုက်ပွဲတွင် ခံတပ်ကို တောင့်ခံထားနိုင်သော ခံတပ်ဖြူ တပ်မှူး တို့အား အသီးသီး ခေါင်း ဆောင်များအဖြစ် တာဝန်ပေးအပ်ကာ ကြိုတင်စေလွှတ် ထားရှိလေသည်။ ထို့သို ဖြင့် အချိန်သည် နောက်တစ်နေ့ နံနက် သို့ တိုင်လာခဲ့လေသည်။
*****************************************
ယုဒီပ နိုင်ငံ၏ ရွှေဓါးကိုင် စစ်သူကြီးလော်ဒီယာ သည် ခံတပ်ဖြူဘက်သို့ လေ့လာ အကဲခတ်လျက် ရှိနေလေသည်။ ခံတပ်ဖြူ၌ အစောပိုင်းက လောင်ကျွမ်းနေသော မီးတောက်များကို မမြင်တွေ့ရတော့ချေ။ တံတိုင်းပေါ်ရှိ ရဲမက် အင်အားမှာလည်း ပုံမှန်အခြေနေအတိုင်းသာ တွေ့မြင် နေရလေသည်။ သို့သော် ခံတပ်အနောက်ပိုင်း၌ လှုပ်ရှား ခိုင်း ထားသော အတပ်ဖွဲ့၏ သတင်းပို့မှုကို တော့ အဆက်ပြတ်ရ်ျ နေလေသည်။ ထိုအချက်ကို လော်ဒီယာသည် စိတ်ထဲတွင် မသိုး မသန့် ဖြစ်ရ်ျ နေလေသည်။ အစီစဉ်အတိုင်းဆိုပါက ယခုနံနက်တိုင်လျှင် ခံတပ်ဖြူအား တရှိန်ထိုး ထိုးစစ်ဆင်ကာ တိုက်ခိုက် ရန်သာ ဖြစ်လေသည်။ သို့သော် စိတ်လေးလံရ်ျ နေပြန်သည်။ အကြောင်းမှာ ခံတပ်အရှေ့ ပိုင်းတွင် အခြေနေမှာ အားလုံးပုံ မှန် အတိုင်းဖြစ်နေသော်လည်း အနောက်ဘက်သို့ စေလွှတ်လိုက် သော တပ်ဖွဲ့များ၏ အချက်ပြမှု ကင်းမဲ့နေခြင်းက အရှေ့ နှင့် အနောက် ကျိုးကြောင်းမညီမှုကို လှစ် ဟာ ပြလျက် ရှိနေခြင်းကြောင့် ဖြစ်လေသည်။ ထို့နောက် လော်ဒီယာသည် ယုဒီပနိုင်ငံ ၏ စစ်သေနာ ပတိ ဖြစ်သူ ၀က္ကနော် ထံသို့ သွားရောက်ကာ အနည်းငယ် တိုင်ပင်ကြည့်လေရာ သေနာပတိ ၀က္ကနော် က ..............
မောင်ရင် စိတ်ထင်နေတာပဲ ဖြစ်မှာပါ။
ကျုပ် တို့ရဲ့ အောင်မြင်မှုက လက်တကမ်းပဲ လိုတော့တာ။
ဘာမှ တွေဝေနေစရာ အကြောင်းမရှိဘူး။
အချိန်ရောက်တာနဲ့ ထိုးစစ်ကို စတင်လိုက်တော့။
ရာဇ၀င်သစ်ကို ကျုပ် တို့ရေးထိုးကြမယ်။
စစ်သူကြီးလော်ဒီယာသည် သေနာပတိ နှင့် စကားပြောဆိုပြီးသည့်နောက် နောက် ပိုင်း စစ်တဲနန်း အတွင်းမှ အရှေ့ဘက် တပ်များဆီသို့ ပြန်လည် ထွက်ခွာလာခဲ့လေသည်။ ထို့နောက် မိမိရဲ့ တပ်များအားလုံးကို လိုက်လံ စစ် ဆေးကြည့်ရာ တပ်များအားလုံးသည် တိုက်ခိုက်ရန် အသင့် အနေအထားတွင် ရှိနေကြလေသည်။
**************************************
ဘော် .........................
ဆွဲငင်စွာဖြင့် အသံပြုလိုက်သော စစ်ချီ တံပိုးမှုတ်သံ ပေါ်ထွက် လာလေသည်။
ဟိတ် ..... ဟိတ် ...... ဟိတ် .......
တံမှုတ်သံရဲ့ အဆုံး၌ ယုဒီပ စစ်သည်များသည် တောခြောက်သံ ကဲ့သို့ အသံများ ပေး ကာ တပ်များကို စက်ဝိုင်းခြမ်းပုံစံဖြန့်ခင်းလျက် ခံတပ်ဖြူဘက်သို့ ညီညာစွာ ချီတက်လာ ကြ လေ သည်။ ထိုသို့ ချီတက်လာ ရာတွင် ခံတပ်တံတိုင်းပေါ်သို့ တက်ရောက်တိုက်ခိုက်ရန် နှင့် ခံတပ် ကျုံး အား ကျော်ဖြတ်နိုင်ရန် ရည်ရွယ်လျက် စစ်သည် များလိုက်ပါနိုင်သော ဘီးတပ်ငြမ်းစင်ကြီးများ လည်း ပါဝင်ကြလေသည်။ ယုဒီပ တပ်များသည် ခံတပ်ဖြူသို့ ချီတက် လာကြရာ ခံတပ်နှင့် မလှမ်း မကမ်းနေရာသို့ ရောက်ရှိကြလျှင် ခံတပ်ဖြူပေါ်မှ ဟန်သော်ဝေ ရဲမက်များသည်လည်း ခံတပ် တံ တိုင်း ပေါ်မှနေရ်ျ အသင့်နေရာယူ စောင့်ဆိုင်းနေကာ လေးမြှားတို့ကို အသင့်ပြင်ဆင် ထားရှိကြ လေသည်။ သို့သော် ချီတက်လာသော ယုဒီပ တပ်များသည် ခံတပ်ဖြူ၏ မြှားပစ်ကွင်းအတွင်းသို့ မရောက်ခင်တွင် ရပ်တန့်လိုက်ကြခြင်း ဖြစ်လေ သည်။ ထို့နောက် ယုဒီပတပ်များ၏ စစ်သူကြီး လော်ဒီယာသည် ခံတပ်ရှေ့သို့ မြင်းကိုစီးနှင်းလျက် ထွက်ခွာလာပြီး ......
ဟေ့ ...........
ဟန်သော်ဝေ ခံတပ်မှူး
မောင်ရင်တုိ့ အခုချိန်မှာ
လက်နက်ချမယ်ဆိုရင်
အချိန်မှီသေးတယ်နော်။
မသက်မသေချင်သေးရင်
လက်နက်ချ ကြပါ။
ဟား .... ဟား .... ဟား ......
ဒီမယ် မောင်ရင်
မောင်ရင့် ကြည့်ရတာ
အသက်ငယ်ပါသေးတယ်။
မောင်ရင် လောက ကြီးထဲမှာ
ပျော်ပျော်နေချင်သေးတယ်ဆိုရင်
မောင်ရင့် ရဲ့ တပ်တွေကို
နောက်ပြန်ဆုတ်ခိုင်းလိုက်ပါ။
ကျုပ်တို့က အသက်ကြီးနေပြီကွယ့်။
လူ လုပ်ခဲ့တဲ့ အချိန်တွေ သိပ်များနေခဲ့တော့
သေ ဖို့ အဆင့်သင့် ဖြစ်နေပြီကွ။
ခံတပ်ဖြူ ရဲ့ တံတိုင်းပေါ်မှ ပြန်လည် ချေပ ပြောဆိုသော အသံရှင်မှာ မိမိ ပထမ အကြိမ် လာရောက်စကားပြောသော ခံတပ်မှူး၏ အသံမဟုတ်မှန်းကို စစ်သူကြီးလော်ဒီယာ ကောင်း စွာ ရိပ်မိလေသည်။ ထို့ကြောင့် လော်ဒီယာ က .............
ဟေ့ ....အဘိုးကြီး ........
အသက်လည်းကြီးနေပြီ
အခုထိ အချိန်မစီးသေးပါလား။
အချိန်မစီးသေးလဲ
အချိန်စေ့အောင်တော့
လုပ်ပေးနိုင်ပါတယ်။
ဟေ့ ...... မောင်ရင်
မှတ်ထားအုံးကွယ့်။
ကျုပ် နာမည် ဆာဂျန်း
မောင့်ရင့် အစွမ်းအစကို
ကျုပ် ကြည့်ရသေးတာပေါ့။
လောလောဆယ် မောင်ရင့်အတွက်
ကျုပ် လက်ဆောင် တစ်ခု စီစဉ်ထားတယ်။
ရော့ ................
စစ်ဦးစီး ဆာဂျန်းသည် စကားဆုံးသည်နှင့် တပြိုင်နက် ခံတပ်တံတိုင်းပေါ်မှ နေ ရ်ျ တစ်စုံ တစ်ခုကို ပစ်ချပေးလိုက်လေသည်။ မြေပြင်ပေါ်သို့ ကျလာသော ထိုအရာကို စစ်သူကြီး လော်ဒီယာသည် အနားသို့ သွားကာ ကြည့်လိုက်လေရာ မိမိ ခံတပ်အနောက်ပိုင်းသို့ လှုပ်ရှား တိုက် ခိုက် ရန် စေလွှတ်ခဲ့သော တပ်ခေါင်းဆောင်၏ ဦးခေါင်းပြတ် ဖြစ်နေသည်ကို တွေ့မြင်ရလေရာ အနည်းငယ် တုန်လှုပ်သွားလေသည်။ ထို့နောက် လော်ဒီယာသည် မြင်းပေါ်မှ ဆင်းကာ ထို ဦးခေါင်း ပြတ်အား ကောက်ယူမည်အပြု ............
ဝှစ် .......................
အသံ နှင့်အတူ မြှားတစ်စင်း ကျရောက်လာပြီး ထို ဦးခေါင်းပြတ်အား ထုတ်ချင်း ဖောက်ထွက် သွားလေသည်။ လော်ဒီယာ သည် အခြေအနေကို သဘောပေါက်မိပြီး မြင်းပေါ်သို့ ပြန်တက်ကာ မိမိရဲ့ ရွှေရောင်းဓါးကို တဖက်မှ ရန်သူများအားလုံးမြင်သာအောင် ထောင်ပြ လိုက်လေ သည်။ ထို့နောက် မြင်းဇက်ကြိုးကို ဆွဲလှည့်ကာ မိမိရဲ့ တပ်များ ဘက်ဆီသို့ ပြန်လည်ထွက်ခွာ လာခဲ့ လေသည်။ ထိုခေတ်ထိုအခါက စစ်မက်သဘောအရ တစ်ဖက်ရန်သူမှ ပစ်လွှတ် လိုက်သော မြှား သည် စစ်တိုက်မည်ဟု စိန်ခေါ်သော သဘောကိုဆောင်ပြီး လော်ဒီယာ၏ ဓါး ပြန်ထောင်ပြမှုမှာ ထို စိန်ခေါ် မှုကို လက်ခံကြောင်း ပြန်လည်ပြသခဲ့ခြင်း ဖြစ်လေသည်။ ထို စိန်ခေါ်မြှားအား ပစ်လွှတ်ခဲ့သူ မှာ ဟန်သော်ဝေ နိုင်ငံ၏ စစ်ဦး စီး ဆာဂျန်း ကိုယ်တိုင်ပင် ဖြစ်လေသည်။
*************************************
ယုဒီပနိုင်ငံ၏ စစ်သူကြီး လော်ဒီယာသည် မိမိ တပ်များဘက်ဆီသို့ ပြန်ရောက် သည် နှင့် တပြိုင်နက် မြင်းအား တပ်များအားလုံး၏ ရှေ့မှောက်တွင် ရပ်တန့် လိုက်လေသည်။ ထို့ နောက် မိမိရဲ့ ဓါးအား ဓါးအိမ် တွင်းမှ ဆွဲထုတ်လိုက်သေလည်။ ဓါး ကိုင်ထားသော လက်အား လေ ပေါ် သို့ ဆန့်တန်း မြှောက်ပြလိ်ုက်လေရာ ယုဒီပ စစ်သည်များ အားလုံးသည် မိမိတို့ရဲ့ လက်နက်များ အားလုံးကို အသင့်ပြင်ဆင်ကြလေသည်။ ထို့နောက် စစ်သူကြီး လော်ဒီယာက မြှောက် ထားသော လက်ကို အပေါ်မှ အောက်သို့ ချကာ အချက်ပြ အမိန့်ပေးမှုကို ပြုလုပ်လိုက်လျှင် .........
ယား ................
ဟေး .................
ယုဒီပ စစ်သည်များအားလုံးသည် ညာသံပေးလျက် ခံတပ်ဖြူကြီးဆီသို့ တရှိန်ထိုး ပြေးဝင် တိုက်ခိုက်လေတော့သည်။ ထိုသို့ ပြေးဝင်တိုက်ခိုက်သော စစ်သည်များတွင် ခြေလျင် စစ် သည် များ အများဆုံး ပါဝင်ပြီး တံတိုင်းပေါ်သို့ တက်ရောက်တိုက်ခိုက်ရန်အတွက် ဘီးတပ် ငြမ်းစင် များ နှင့် လှေခါးရှည်များ သည်လည်း ပါဝင်ကြလေ သည်။
ခံတပ် တံတိုင်းပေါ်၌ အသင့်စောင့်နေသော စစ်ဦးစီး ဆာဂျန်းခေါင်းဆောင်သော ဟန်သော်ဝေ ရဲမက်များသည်လည်း လေးမြှားများကို အသင့်ပြင်ကာ ပစ်လွှတ်ရန် အမိန့်ကို စောင့် ဆိုင်းလျက် ရှိနေကြလေသည်။ စစ်ဦးစီး ဆာဂျန်းသည် ပြေးဝင်လာသော ရန်သူ့စစ်သည်များကို မြှားပစ်ကွင်း ထဲသို့ အပြည့်အ၀ ၀င်ရောက်စေရန် ခေတ္တ စောင့်နေလိုက်ပြီး သတ်မှတ် ဧရိယာ အတွင်းသို့ ရန်သူများ ပြေးဝင် ရောက်လာလျှင် ပစ်လွှတ်ရန် အမိန့်ပေး အချက်ပြ လိုက်လေရာ ...........
ဝှစ် ..... ၀ှစ် ...... ၀ှစ် ........
ဝှီး ...... ၀ှီး ...... ၀ှီး ..........
အား ..... အု .... အား ......
ပစ်ကွင်းပေါ်သို့ ဟန်သော်ဝေ ရဲမက်များ၏ မြှားမိုးများ တရပ်စပ် ရွာချလေရာ ယုဒီပ စစ်သည် များသည် တတော်များများ ထိခိုက် ဒဏ်ရာ ရရှိကြကုန်လေသည်။ မြှား ဒဏ်မှ လွတ်ကင်းလာသော ယုဒီပ စစ်သည် များသည် လှေခါးများကို ခံတပ်အပြင်ဘက် ကျုံးစပ်မှနေရ်ျ တံတိုင်းပေါ်သို့ မှီထောင်လျက် ဓါးများကို လက်မှကိုင်ဆောင် ကာ သွေးဆာနေသော သရဲသဘက် များသဖွယ် အတင်းဝင် တက်တိုက်ကြလေတော့သည်။ ဘီးတပ်ငြမ်းစင် ကြီးများသည် မြှားဒဏ်ကို ကြိုတင် ကာကွယ်ထားသောကြောင့် ဖြေးဖြေးမှန်မှန် နှင့် ခံတပ်ဖြူဆီသို့ ချီတက်လာလေသည်။ စုစုပေါင်း ငြမ်းစင် ခုနှစ်ခု ခန့် ဖြစ်လေသည်။
ထိုသို့ ထိုးစစ် ဆင်လာသော ယုဒီပ စစ်သည်များကို ခံတပ်ပေါ်ရှိ ဟန်သော်ဝေ ရဲမက်တို့က မြှားများဖြင့် တရစပ် ပစ်ခတ်လျက် ရှိနေလေသည်။ တံတိုင်းသို့ ကပ်ကာ ထောင်လာ သော လှေခါးများကိုလည်း ပြန်လည် တွန်းချ ပစ်ကြလေသည်။ လှေခါးများပေါ်မှ ဒဏ်ရာရ ယုဒီပ စစ်သည် တချို့သည် ကျုံးရေအတွင်းသို့ ပြုတ်ကျကုန်ကာ ဇီဝိန် ချုပ်ငြိမ်း ကြကုန်လေသည်။ ထို့ နောက် ဘီးတပ်ငြမ်းစင်ကြီးများသည် တံတိုင်းအနီးသို့ ရောက်ရှိလာကြပြီး အရှေ့ဘက်ရှိ အကာ ကွယ်များကို ဖြုတ်ချလိုက်လေရာ ထိုအကာကွယ်များသည် ခံတပ်ကျုံးပေါ်သို့ ကျရောက်ကုန်ပြီး တံတားများသဖွယ် ဖြစ်သွားလေသည်။ ထို့နောက် ငြမ်းစင်ကြီးများအတွင်းရှိ လိုက်ပါလာကြသော ယုဒီပစစ်သည်များသည် ငြမ်းစင်ထဲမှ လှေခါးများကို ထုတ်ကာ ခံတပ်တံတိုင်းနှင့် ချိတ်ဆက် လိုက် ကြလေသည်။
ထို လှေခါးများကို ဖယ်ခွာရန် ရောက်ရှိလာသော ဟန်သော်ဝေ ရဲမက်များကို ငြမ်းစင်ပေါ်ရှိ လေးသည်တော်တို့က မြှားများဖြင့် ပစ်ခတ်ကာ ထိန်းသိမ်း ကာကွယ်ပေးထား လေ သည်။ ထို့နောက် ဒိုင်း နှင့် ဓါးများ ကိုင် ဆောင်သော ယုဒီပ စစ်သည်များသည် ထိုလှေခါးများပေါ် တွင် တက်ရောက်ဖြတ်သန်းကာ ခံတပ် တံတိုင်းပေါ်သို့ အတင်း ၀င် တိုက်ခိုက်ကြလေသည်။ ထိုသို့ ဖြင့် ငြမ်းစင်များ နှင့် ခံတပ်တံတိုင်းကို လှေခါးများဖြင့် ချိတ်ဆက်ထားခြင်း ၊ ကျုံးရေ ပေါ်သို့ တံတား သဖွယ် ခင်းထားခြင်း ၊ ငြမ်းစင်ပေါ်များမှ လေးသည်တော်တို့က ကူပစ် ပေးထားခြင်းကြောင့် ယုဒီပ စစ်သည် များသည် ခံတပ်တံတိုင်းပေါ်သို့ အဆက်မပြတ် တက်ရောက် ထိုးစစ်ဆင်နိုင်ကြလေသည်။ ၄င်းအပြင် ငြမ်းစင် ခုနှစ်ခု ၏ လွတ်နေသော နေရာလွတ်များကြားမှလည်း လှေခါးရှည်များဖြင့် ခြေ လျင်စစ်သည်များကလည်း ဒိုင်းများကို အကာကွယ်ယူလျက် ခံတပ်တံတိုင်းပေါ်သို့ တက်ရောက် တိုက်ခိုက် ကြပြန်သေးသည်။
ခံတပ်ဘက်မှလည်း တက်ရောက်လာသော ယုဒီပ စစ်သည်များကို ပစ်ခတ် တိုက်ခိုက် နေသည့် လေးတပ်၏နောက်တွင် အသင့်နေရာယူထားသော ဒိုင်း နှင့် ဓါး ကိုင်ရဲမက် များကလည်း ပြန်လည်ခုခံ တိုက်ခိုက်လျက် ရှိနေ ပေရာ အနီးကပ်တိုက်ပွဲ မှာ အလွန်ပြင်းထန်လှပြီး သွေးချင်းချင်းရဲကာ ညှိနံ့စို့စို့ ဖြင့် နံနက်သစ်တစ်ခုကို ဖွင့်လှစ်လိုက်ကြ လေသည်။ တိုက်ပွဲသည် လွန်စွာပြင်းထန်လှသောကြောင့် နှစ်ဘက်စလုံး အသေနှင့် ထိခိုက် ဒဏ်ရာရ စစ်သည်ရဲမက် များ သည်လည်း များပြားကြလေသည်။ ခံတပ် တံတိုင်းကို တာဝန်ယူထားသော စစ်ဦးစီး ဆာဂျန်းသည် လည်း ငြမ်းစင် ခုနှစ် နေရာများ၌ မိမိဘက်မှ အားနည်းသွားသော နေရာများကို ဖြည့်ဆည်းကာ တိုက်ခိုက်လျက် ရှိနေပေသည်။ ထိုသို့ တိုက်ခိုက် နေရင်းမှ .............
ဆီအိုးတွေ သုံးကြ ............
စစ်ဦးစီး ဆာဂျန်းသည် ကျယ်လောင်သော အသံဖြင့် အမိန့်ထပ်ပေးလိုက်လေရာ ဟန်သော်ဝေ ရဲမက်များသည် ငြမ်းစင်များပေါ်သို့ ဆီအိုးများကို ပစ်ပေါက်ကြလေသည်။ ထိုသို့ ဆီအိုးများ ပစ်ပေါက်ကြပြီးနောက် တံတိုင်းပေါ်ရှိ ဟန်သော်ဝေ လေးသည်တော်အချို့သည် မြှား ထိပ်၌ မီးစာများကို မီးရှို့ကာ ဆီအိုးများ ထိမှန်ထားသော ငြမ်းစင်များကို မီးမြှားများဖြင့် ပစ်ခွင်း လေရာ ငြမ်းစင်များ မီးစွဲ လောင်ကုန်တော့သည်။ ထိုသို့ ငြမ်းစင်များ မီးစွဲလောင် ကုန်သောကြောင့် ယုဒီပစစ်သည်များ၏ တံတိုင်းပေါ်သို့ တက်ရောက်တိုက်ခိုက်သော စစ်သည်အင်အားသည်လည်း တဖြည်း ဖြည်း အားပျော့လာလေသည်။ ထို့ကြောင့် ခံတပ် တံတိုင်းပေါ်ရှိ ဟန်သော်ဝေ ရဲမက်များ သည် အခြေအနေကို ထိန်းချုပ် လာနိုင်ပြီး ရန်သူ့ တပ်များကို အသာစီးရလာကာ ယုဒီပစစ်သည် များ ကို ပိုမို သုတ်သင် လာနိုင်လေသည်။
ထို့နောက် ဟန်သော်ဝေ စစ်ဦးစီး ဆာဂျန်းက .............
အချက်ပြလိုက်တော့ ဟေ့ ............
နောက်ထပ်တစ်ကြိမ် ကျယ်လောင်သော အသံဖြင့် အမိန့်ထပ်ပေးလိုက်ရာ ခံတပ်အစွန်း နှစ်ဘက်ရှိ လေးသည်တော် တချို့သည် မီးမြှားများကို ကောင်းကင်ပေါ်သို့ ပစ်လွှတ်ကာ အချက်ပြလိုက်လေရာ ကြိုတင် နေရာယူ စောင့်ဆိုင်းနေသော တပ်မှူးငယ် ခွန်ဒီနောင် နှင့် ခံတပ်ဖြူ တပ်မှူးတို့ ဦးဆောင်သော မြင်းတပ်ပါသော တပ် ပေါင်းစု နှစ်ခုသည် တောအုပ်တွင်းမှ တရှိန်ထိုး ပြေးထွက်လာကာ စက်ဝိုင်းခြမ်းပုံစံဖြင့် လာရောက်တိုက်ခိုက်သော ယုဒီပ စစ်သည်များကို စက်ဝိုင်းစွန်း နှစ်ဘက်မှနေရ်ျ စတင် ထိုးစစ်ဆင်လေတော့သည်။
ထိုသို့ဖြင့် တိုက်ပွဲသည် ပိုမို ရှုပ်ထွေးလာတော့ လေသည်။ ယုဒီပ တပ်များ၏ ငြမ်းစင် ကြီးများ သည်လည်း မီးစွဲလောင်မှုကြောင့် တဖြည်းဖြည်း ယိုင်နဲ့လာကုန် လေသည်။ မြေပြင်ပေါ်ရှိ ခြေလျင် စစ်သည်များသည် လည်း မြင်းတပ်ပါသော တပ်ပေါင်းစု နှစ်ခု၏ ထိုးစစ် ဆင်မှုကြောင့် အကျဆုံးများကာ ဖရိုဖရဲ ဖြစ်ကုန်ကြလေသည်။ ထိုအချင်းရာများကို တိုက်ပွဲနောက် ပိုင်းမှ ကြည့်နေသော စစ်သူကြီး လော်ဒီယာ မြင်လေသော် မြင်းတပ်ကို ဦးစီးကာ တရှိန် ထိုးပြေးဝင် တိုက်လေသည်။ စစ်သူကြီး လော်ဒီယာ စတင်တိုက်ခိုက်သော အခြမ်းသည် ခံတပ်ဖြူ တပ်မှူး ဘက် အခြမ်း ဖြစ် လေသည်။ ထို့ကြောင့် ထိုဘက်အခြမ်းသည် ပိုမို ရှုပ်ထွေးလာကာ တိုက်ပွဲမှာလည်း ပိုရ်ျ ပြင်းထန်လာလေသည်။
တဖက်ခြမ်းရှိ တပ်မှူးငယ် ခွန်ဒီနောင် သည် မီးစွဲလောင်နေသော ခံနိုင်ရည် အား ချိနဲ့ လာ သော ငြမ်းစင်ကြီးများကို အဓိက ပစ်မှတ်ထားကာ ဖြိုခွင်းလျက်ရှိနေရာ ငြမ်းစင် လေးခုမျှ ပြိုပျက်သွားလေသည်။ ထို့နောက် နောက်ထပ် နောက်ထပ် ငြမ်းစင်များကို ဖြိုဖျက် တိုက် ခိုက်လာရင်း ခံတပ်မှူးဘက်အခြမ်းသို့ နီးကပ်လာ လေရာ အလည်ရှိ ယုဒီပ စစ်သူကြီး လော်ဒီယာ သည် နှစ်ဘက်ညှပ်ကာ ပိတ်မိ လေတော့သည်။ ထို့ကြောင့် ယုဒီပ စစ်သူကြီး လော်ဒီယာသည် အခြေ အနေကို ရိပ်စားမိပြီး ရှိသမျှ တပ်သားတို့ကို ရသလောက် စုစည်းကာ နှစ်ဘက်ညှပ်တိုက်ခိုက် လာ သော ရန်သူများ လက်မှ တိုက်ထွက် ဖောက်ထွက် လေတော့သည်။
ဆုတ် ........ ပြန် ဆုတ် .............
အားလုံး ပြန်ဆုတ် ကြ .........
ယုဒီပ စစ်သူကြီး လော်ဒီယာ၏ အမိန့်ပေးသံနှင့်အတူ ယုဒီပစစ်သည် များသည် လည်း မိမိ တို့၏ တပ်များကို အကောင်းဆုံး ပြန်လည်စုစည်းကာ ဆုတ်ခွာစစ်ကို ပြုကြရလေသည်။ ထိုအချိန်တွင် ချဉ်းကပ် ငြမ်းစင် ခုနှစ်ခုသည်လည်း အားလုံး ပြိုပျက်သွားလေသည်။ ခြေလျင် စစ် သည် ၊ လေး စစ်သည် နှင့် တခြား စစ်သည်များ သည် လည်း အများအပြား ကျဆုံးလျက်ရှိကုန် ကြ လေသည်။ တပ်မှူးငယ် ခွန်ဒီနောင် နှင့် ခံတပ်ဖြူ တပ်မှူး တို့သည် မြှားပစ် ကွင်း ဧရိယာအစပ်အထိ လိုက်လံတိုက်ထုတ် ကြပြီး ထိုမှ ရှေ့ဆက် တိုး မတိုက်ကြတော့ပေ။ အကြောင်းမှာ ထိုးစစ် ကျွံမည် စိုးရ်ျ ဖြစ်လေသည်။
ထို့နောက် ခံတပ်ဖြူကြီး၏ ဂိတ်တံခါးကြီးများသည် ပွင့်လာပြီး တံတားများ ကျုံးပေါ်သို့ ကျရောက်လာကာ ထို တံတားများပေါ်မှ တပ်မှူးငယ် ခွန်ဒီနောင် နှင့် ခံတပ်မှူးတို့ ဦး ဆောင်သော တပ်ပေါင်းစု နှစ်ခုသည် ခံတပ်တွင်းသို့ ပြန်လည်ဝင်ရောက် ကြကုန်လေသည်။ ခံတပ် ဖြူကြီး အတွင်းမှာတော့ တပ်များအားလုံး ပြန်လည် စုပေါင်း မိကြချိန်တွင်တော့ ရဲမက် စစ် သည် များ အားလုံးသည် ယခုတစ်ကြိမ် အနီးကပ် တိုက်ပွဲကို အောင်မြင်လိုက်သဖြင့် စစ်သွေး စစ်မာန် များ ပိုမို တက်ကြွလာကာ စိတ်ဓါတ်များသည် မိုးထိအောင် မြင့်မား ကြကုန်လေတော့သည်။
( ဆက်လက်ဖော်ပြပါမည်။ )
Rocker77
လာေ၇ာက်လည်ပတ်၇င်း စာတွေလဲဖတ်၇င်း သီချင်းတွေလဲနားထောင်သွားပါကြောင်း
ReplyDeleteကိုကြီးေ၇