အီရန်နိုင်ငံ၏ ရှေ့ဟောင်း သမိုင်းနောက်ခံ အကြောင်း။

                            အီရန်နိုင်ငံသည် ခရစ်တော်မပေါ်မီ နှစ်ပေါင်း 5000 ကျော်အရင်ကပင် အာရှတိုက်၏ အရှေ့ အလယ်ပိုင်းဒေသတွင် တည်ရှိခဲ့ပါသည်။ တောင်ဘက်တွင် ပါရှန်းပင်လယ်ကွေ့ နှင့် အိုမန် ပင်လယ် ကွေ့၊ အရှေ့ဘက်တွင် အာဖဂါနစ်(စ)တန် နှင့်ပါကစ်(စ)တန်၊ မြောက်ဘက်တွင် ရုရှနှင့်ကစ္စပီရန်ပင်လယ်၊ အနောက်ဘက် တွင် အီရတ်နိုင်ငံတို့ နှင့် နယ်စပ်ချင်း ထိစပ်လျက်ရှိပါသည်။

                           အီရန်နိုင်ငံသည် ရှေးကျပြီး၊ယဉ်ကျေးမှု ထွန်းကားသောနိုင်ငံတစ်နိုင်ငံဖြစ်ပါသည်။ ရိုးရာယဉ်ကျေးမှု အသိပညာနှင့် အနုပညာကျွမ်းကျင်မှုများကို သမိုင်းဦးအစကပင်ခြေရာခံ နိုင်ခဲ့ပါသည်။ မူလနေထိုင်သူ လူမျိုးများမှာ အာရီယန်မျိုးနွယ်စုဝင်များ ဖြစ်ကြ ပါသည်။ ခရစ်တော်မပေါ်မီ နှစ်ပေါင်း ( 500 ) ကျော် အရင်ကပွင့်ခဲ့သော တမန်တော်နှင့် အတွေး အခေါ် ပညာရှင် ဇိုရိုအက်(စ)တာမှ ပြဌာန်း သော ဘာ သာ ကို လက်ခံခဲ့ကြသူများဖြစ်ကြပါသည်။ မီးကိုးကွယ်သူများ ဖြစ်ခဲ့ကြပြီး ၄င်းတို.ကို Parsi ဘာသာဝင်များဟု ခေါ်ကြသည်။ အီရန်ဘုရင် Cyrus The Great သည် အင်ပါယာရှင် တစ်ဦးဖြစ်ပြီး (ဘီစီ ၅၅၀) တွင် အာရှ အရှေ.ဖျားမှ အနောက်ဘက် အီဂျစ်နိုင်ငံအထိ ကျယ်ဝန်းသော ပါရှန်းအင်ပါ ယာ ကြီးကို ထူထောင် ခဲ့သူဖြစ် ပါသည်။

                         ( ၇ ) ရာစုတွင် အာရပ် ခေါင်းဆောင်များသည် အီရန်နိုင်ငံ အပေါ်ကျူးကျော်စစ်များ ဆင်နွဲ ကြပြီး နောက်ပိုင်းတွင် အီရန်လူမျိုး  များသည် အစ္စလာမ်ဘာသာဝင်များ ဖြစ်လာခဲ့ကြပါသည်။   ( ၁၃ ) ရာစုတွင် အီရန်နိုင်ငံသည် မွန်ဂိုလူမျိုးများ၏ ခေါင်းဆောင်ဖြစ်သော Jenghis Khan (ဂျန်ဂစ်(စ)ခါးန်) ၏ ကျူးကျော်ခြင်းကိုခံခဲ့ရပြီး မွန်ဂိုဘုရင်များမှာ အီရန်နိုင်ငံသို့ ရောက်ရှိလာရာမှ အီရန်နိုင်ငံသုံး ဖာရ်စီ စကားကို နန်းသုံး စကားအဖြစ် အသုံးပြုပြီး အီရန်စာပေ၊ ယဉ်ကျေးမှု၊ ထုံးတမ်းအစဉ်အလာများနှင့် ကိုးကွယ်မှုပါမကျန် လက်ခံ ကျင့်သုံး ခဲ့လေရာ ထိုသူများကို (Persianized People) ပါရှန်ဆန်သောလူမျိူးများ ဟုခေါ်တွင်ကြသည်။ မွန်ဂို လူမျိုးများ ယခင်အသုံးပြု ခဲ့သော Chagadai ဘာသာစကားမှာ ယခုပျောက်ကွယ်နေပြီဖြစ်သော တူရကီ ဘာသာ စကားဖြစ်ပြီး ဖာရစီ အရဘစ် စကားလုံးများ ထည့်သွင်း သုံးဆွဲထားသော ဘာသာစကား ဖြစ်သော ကြောင့် နောက်ပိုင်းတွင် ဖာရ်စီစကားအား မိမိတုိ့၏ ကိုယ်ပိုင်စကား အဖြစ်လွှဲပြောင်း သုံးစွဲရာ တွင် လွန်စွာ လွယ်ကူလှပေ သည်။

                         ထိုမွန်ဂို လူမျိုးများမှာ စစ်ခင်းရာတွင် ကျွမ်းကျင်၍ နယ်မြေသစ်များအဖြစ် အာရှ အရှေ့ပိုင်း ဒေသ များကို စစ်ခင်း၍ သိမ်းပိုက်ခဲ့ကြသည်။ မွန်ဂိုလူမျိုးများမှာ တာကိုမွန်ဂိုအနွယ်ဝင်များဖြစ်ကြရာ အီရန် နိုင်ငံရောက်မွန်ဂိုလူမျိုး များအား အီရာနီလူမျိူးများက မဂို (Mogul) လူမျိူးများဟုခေါ်တွင်ခဲ့ကြရာမှ မဂိုအီရာနီ များဟူ၍ ပေါ်ပေါက်ခဲ့ပါ သည်။ အီရန်နိုင်ငံအား အုပ်ချူပ်ခဲ့သော မွန်ဂိုဘုရင်များ အနက် တီးမူး (Timur) ဘုရင်မှာ အထင်ရှားဆုံး ဘုရင်တစ်ပါးဖြစ်ပါ သည်။ တီမူး ဘုရင်၏ သား Sharukh  Mirza Timury ၏ မိဖုရား ဖြစ်သူ Gouhar Shad မှာ အီရန် နိုင်ငံ မရ်ှဟဒ်မြို့ရှိ Rouza-e-Imam-Reza တွင် Jamay Masjid တစ်လုံး တည် ဆောက် ခဲ့ ရာ ယင်း မဇ်ဂျစ် ( ဘုရားကျောင်း ) မှာ- Masjid-e-Gouhar Shad အမည်ဖြင့်တွင် ခဲ့သည်။ နောက် ပိုင်းတွင် Timur ဘုရင်၏သားစဉ်မြေးဆက်ဖြစ်သော Zahiruddeen Mohammed Babur မှာအိန္ဒိယနိုင်ငံ၌ မဂို အင်ပါယာကြီးကို တည်ထောင်ခဲ့သူတစ်ဦးဖြစ်ပါသည်။

 
အင်တာနက်စာမျက်နှာများပေါ်မှ စုစည်းရ်ျ  ပြန်လည်ဝေမျှပါသည်။

Rocker77

http://rocker77blog.blogspot.com